திரு.காந்திமுதலியார் என்ற குஞ்சிதபாதமுதலியார் அவர்கள் திருத்துறைபூண்டியில் மொத்தம் மற்றும் சில்லரை வணிகத்தைத் தொடங்கிய ஆண்டு 1949.

 

சில்லரை விற்பனையாளர்கள் மற்றும் மொத்த விற்பனையாளர்களின் தேவைகளை நன்கு புரிந்துகொண்ட அவர் தான்விற்பனை செய்யும் பொருட்களின் தரம், தரத்திற்கேற்ற விலை, மற்றும் அவர்களின் தேவைக்கு தட்டுப்பாடின்றி கிடைக்குமா, போன்ற அனைத்து விஷயங்களையும் கணக்கிட்டு நுகர்வோர் நலன் கருதி அவர் பலதருணங்களில் தயாரிப்புத் தொழிற்சாலைகளுக்கே சென்று, ஆய்வு செய்து, நுகர்வோர் தேவைக்கும், பயன்பாட்டுக்கும், மகிழ்ச்சி அளிக்கக்கூடிய வகையில் அப்பொருள் கிடைத்திட ஆராய்ந்து அதில் அனுபவமும் பெற்று வெற்றியும் பெற்றார்.

 

அபரிமிதமான இந்த வெற்றியைப்பெற்ற திரு. காந்திமுதலியார் அவர்கள் இந்த வெற்றி தனக்குப் பின்னும் தொடர்ந்திட தன்னுடைய மகன் திரு. மோகன் அவர்களை அவர்தம் குழந்தைப் பருவத்தில் இருந்தே இதில் ஈடுபடுத்த விரும்பினார்.

 

அவருக்கு தன்னுடைய தொழிலைப் பயிற்றுவித்து, தன்னுடைய தொழில் நுணுக்கங்களையும்,  நுகர்வோரின் தேவைகளையும் கற்றுக்கொடுத்தார். நுகர்வோரின் மனதிருப்தியே தன் தொழிலின் வெற்றிக்குக் காரணம் என்பதையும் உணரச் செய்தார்.

 

திரு. காந்திமுதலியார் அவர்களின் ஆசியும் வழிகாட்டுதலும் அவருடைய மகன் திரு. மோகன் அவர்களை மொத்தம் மற்றும் சில்லரை வணிகத்தில் மேலும் பலமடங்கு வளர்ச்சி அடையச்செய்தது.

 

இந்த வளர்ச்சியே பின் நாளில்  அதாவது 1988 ஆம் ஆண்டில் அவரை வணிகத் தலைவர் பொறுப்பை ஏற்றுக்கொள்ள வைத்தது என்றால் அது மிகையாகாது